0 
0 
નવસારી કૃષિ યુનિવર્સિટી હસ્તક ભરૂચની મકતમપુર કૃષિ મહાવિદ્યાલય ખાતે ભારત મોસમ વિજ્ઞાન વિભાગ , નવી દિલ્લી દ્વારા સંચાલિત ગ્રામીણ કૃષિ મૌસમ સેવા યોજના અંતર્ગત ઓટોમેટીક વેધર સ્ટેશન લગાવવામાં આવ્યું છે .ભરૂચમાં લગાવાયેલ સૌ પ્રથમ ઓટોમેટીક વેધર સ્ટેશનના ઉદ્ઘાટન પ્રસંગે કોલેજના ડીન અને પ્રિન્સિપાલ ડો . કે . જી . પટેલ એ જણાવ્યું છે કે, કપાસ સંશોધન કેન્દ્ર ખાતે ઓટોમેટીક વેધર સ્ટેશન લગાડવામાં આવ્યું છે અને જે દર 15 મિનિટે અલગ અલગ હવામાન પરિબળોના આંકડા પ્રદાન કરશે . ઓટોમેટીક વેધર સ્ટેશનનો ઉપયોગ સંશોધન કાર્યો તેમજ ખેડૂતોને હવામાન આધારિત કૃષિ સલાહ માટે ઉપયોગી થશે.
ઓટોમેટિક વેધર સ્ટેશન દર પંદર મિનિટે હવામાનના અલગ અલગ પરિબળો મુખ્યત્વે વરસાદની માત્રા , હવાની ગતિ અને દિશા , તાપમાન , હવામાં ભેજનું પ્રમાણ અને હવાનું દબાણની માહિતી આપશે. વેધર સ્ટેશન દ્વારા મળેલા આધાર ઉપર ભારત મોસમ વિજ્ઞાન વિભાગ દ્વારા કોઈ પણ ક્ષેત્ર નું હવામાન પૂર્વાનુમાન જાણી શકીએ છીએ . આ યોજના અંતર્ગત ભરુચ જિલ્લાના ખેડૂતોને દર મંગળ અને શુક્રવારે આગામી પાંચ દિવસોમાં હવામાન કેવું રહેશે તેના દ્વારા હવામાન આધારિત કૃષિ સલાહ બુલેટિન વોટ્સએપ ના માધ્યમથી ખેડૂતોને પ્રદાન કરવામાં આવે છે.
Average Rating
More Stories
ભરૂચ જિલ્લાની શાળાઓમાં મતદાન જાગૃતિ અંતર્ગત વિવિધ કાર્યક્રમો યોજાયા
વાગરાના ગંધાર ખાતે અગરિયા કામદારોમાં મતદાન જાગૃતિનો વિશેષ કાર્યક્રમ યોજાયો.
લોકશાહીના પર્વમાં નાગરિકોની મહત્તમ ભાગીદારી સુનિશ્ચિત કરવા જિલ્લા ચૂંટણી તંત્ર દ્વારા સઘન ઝુંબેશ.