0 
0 
ભરૂચ – શનિવાર – ગુજરાત સરકાર દ્વારા ચાલી રહેલા ‘વિકાસ સપ્તાહ’*ની ઉજવણીના ભાગરૂપે, ભરૂચ જિલ્લામાં વિકાસ કાર્યોને વધુ વેગ આપવામાં આવ્યો છે. જિલ્લા વિકાસ અધિકારીશ્રી યોગેશ કાપશેના માર્ગદર્શન અને નિયામક શ્રીમતી નૈતિકા પટેલના સક્રિય સૂચનથી, પ્રધાનમંત્રી આવાસ યોજના (PMAY) ગ્રામીણના લાભાર્થીઓને ‘સ્ટેટ ટોપ અપ’ ગ્રાન્ટ ચૂકવવાની પ્રક્રિયા હાથ ધરવામાં આવી છે. આ સંદર્ભે, તાલુકા વિકાસ અધિકારી શ્રી યોગેશ પવાર અને તેમની ટીમે શણકોઈ ગામની રૂબરૂ મુલાકાત લીધી હતી અને યોજનાના અમલની સમીક્ષા કરી હતી. નેત્રંગ તાલુકાના તમામ ગામોના કુલ ૧૦૧ લાભાર્થીઓને આ ગ્રાન્ટનો લાભ મળશે. તાલુકા વિકાસ અધિકારી (TDO) યોગેશ પવાર અને તાલુકાની સમગ્ર ટીમે, સરકારશ્રીની માર્ગદર્શિકા અને ઠરાવની જોગવાઈઓનું પાલન કરીને, તૈયાર થઈ રહેલા આવાસો માટે ત્રીજા હપ્તાની ચુકવણી તાત્કાલિક ધોરણે કરવાનો આદેશ આપ્યો છે. આ નિર્ણયથી લાભાર્થી ગામજનોમાં હર્ષ અને ઉલ્લાસની લાગણી પ્રસરી જવા પામી છે. વધુમાં, જિલ્લા વહીવટી તંત્ર દ્વારા ગ્રામજનોને આહ્વાન કરવામાં આવ્યું છે કે બાકી રહેલા તમામ લાભાર્થીઓ સમયસર આવાસનું બાંધકામ પૂર્ણ કરવા તરફ તજવીજ હાથ ધરે. બાંધકામ પૂર્ણ થતાં જ સરકારશ્રીના નિયમો મુજબ બાકીની ગ્રાન્ટનું ચુકવણું પણ તાત્કાલિક ધોરણે કરવામાં આવશે. આ પગલું લાભાર્થીઓને તેમના સપનાનું ઘર ઝડપથી પૂર્ણ કરવામાં પ્રોત્સાહિત કરશે.
Average Rating
More Stories
લોકશાહીના પર્વમાં નાગરિકોની મહત્તમ ભાગીદારી સુનિશ્ચિત કરવા જિલ્લા ચૂંટણી તંત્ર દ્વારા સઘન ઝુંબેશ.
ભરૂચના પણિયાદરા ગામના લોકોએ લીધા સો ટકા મતદાનના શપથ.
ઝાડેશ્વર સ્થિત કે.જી.એમ.હાઈસ્કૂલ ખાતે સ્થાનિક સ્વરાજ્યની ચૂંટણી માટે પોલિંગ સ્ટાફને તાલીમ અપાઈ.