0 
0 
ભરૂચ એ ડીવીઝન પોલીસ મથકમાં નોંધાયેલા પ્રોહિબિશનના ગુનામાં છેલ્લા ત્રણ વર્ષથી વલસાદનો એક આરોપી નાસતો-ફરતો હતો.તેને એસઓજી પોલીસે માહિતીના આધારે ભરૂચના રેલ્વે ગોદી પાસેથી ઝડપી પાડી જેલના સળીયા પાછળ ધકેલી દીધો છે.ભરૂચ જિલ્લા એસઓજીની ટીમ રાજ્યના તથા રાજય બહારના નાસતા ફરતા આરોપીઓ પકડવાની કામગીરી કરી રહ્યા હતાં. આ સમયે એસઓજી પોલીસ હેડ કોન્સ્ટેબલ ધર્મેન્દ્ર જુલાલભાઇને માહિતી મળી હતી કે,ભરૂચના એ ડીવીઝન પોલીસ મથકમાં વર્ષ 2021 માં નોંધાયેલા પ્રોહિબિશનના ગુનામાં આરોપી અમીત ઉર્ફે રોહિતસિંહ ઉર્ફે વિનિતસિંહ ઉર્ફે રાધે ઇન્દ્રજીતસિંહ ઠાકોરને વોન્ટેડ જાહેર કરાયો હતો.તે આરોપી હાલમાં ભરૂચ રેલ્વે ગોદી રોડ પાસે હાજર છે.જેથી ટીમે તાત્કાલિક સ્થળ પર પહોંચી સદર આરોપી દબોચી લીધો હતો.આરોપીને સી.આર.પી.સી.કલમ 41(1)આઈ મુજબ પકડી અટક કરી આગળની વધુ કાર્યવાહી માટે ભરૂચ શહેર “એ” ડીવીઝન પોલીસ સ્ટેશનમાં જાણ કરાઈ છે.જેના પર વલસાડ તાલુકા પોલીસ મથક,પારડી પોલીસ મથક,વલસાડ ટાઉન અને ભરૂચ એ ડીવીઝન પોલીસ મથકમાં ગુના નોંધાયેલા છે.
Average Rating
More Stories
ભરૂચ જિલ્લાની શાળાઓમાં મતદાન જાગૃતિ અંતર્ગત વિવિધ કાર્યક્રમો યોજાયા
વાગરાના ગંધાર ખાતે અગરિયા કામદારોમાં મતદાન જાગૃતિનો વિશેષ કાર્યક્રમ યોજાયો.
લોકશાહીના પર્વમાં નાગરિકોની મહત્તમ ભાગીદારી સુનિશ્ચિત કરવા જિલ્લા ચૂંટણી તંત્ર દ્વારા સઘન ઝુંબેશ.