વલણ સ્થિત આરીફ મેહબુબ સેલારના 6 વર્ષીય દીકરા હસ્નૈન આરીફ સેલારે પવિત્ર રમજાન મહિનામાં પોતાનું પ્રથમ રોઝા રાખીને અલ્લાહની બંદગી કરી છે.

Read Time:3 Minute, 45 Second

વલણ ગામમાં ધાર્મિક ભાવના અને આત્મિક સમર્પણનો એક અનોખો અને પ્રેરણાદાયી પ્રસંગ સામે આવ્યો છે. વલણ સ્થિત આરીફ મેહબુબ સેલારના 6 વર્ષીય દીકરા હસ્નૈન આરીફ સેલારે પવિત્ર રમજાન મહિનામાં પોતાનું પ્રથમ રોઝા રાખીને અલ્લાહની બંદગી કરી છે. અતિ નાની ઉંમરે જ દર્શાવેલ આ ધાર્મિક નિષ્ઠા અને સંકલ્પબળ પરિવારજનો તેમજ સમગ્ર ગામ માટે ગૌરવનો વિષય બન્યો છે.પવિત્ર રમઝાન મહિનો મુસ્લિમ સમાજ માટે ઈબાદત, સબર, ત્યાગ અને માનવસેવાનો સંદેશ આપતો મહિનો છે. આ મહિને રોજા રાખવા માટે શારીરિક તથા માનસિક સંકલ્પની જરૂર પડે છે. એવા સમયમાં માત્ર છ વર્ષની વયે હસ્નૈને રોજાનું પાલન કરીને ધાર્મિક મૂલ્યો પ્રત્યે પોતાની લાગણી અને સમર્પણનું ઉત્તમ ઉદાહરણ પૂરું પાડ્યું છે.હસ્નૈનના પિતા આરીફ મેહબુબ સેલારે જણાવ્યુ હતું કે, “અમારા દીકરાએ પોતાની ઇચ્છાથી પ્રથમ રોજા રાખવાનો નિર્ધાર કર્યો. અમે તેને સમજાવ્યું કે તે હજી નાનો છે, છતાં તેણે ઉત્સાહ અને આનંદ સાથે રોજા પૂર્ણ કર્યો. તેના આ સંકલ્પથી અમને અત્યંત ખુશી અને ગર્વની લાગણી થાયછે.પરિવારજનોના જણાવ્યા મુજબ, હસ્નૈન બાળપણથી જ નમાજ, કુરાન પાઠ અને ધાર્મિક પ્રવૃત્તિઓ પ્રત્યે રસ ધરાવે છે. રમઝાન માસ દરમિયાન ઘરમાં ઈબાદતનું વાતાવરણ રહેતા તેણે પણ ઉત્સાહપૂર્વક તેમાં ભાગ લીધો હતો. દિવસભર ભૂખ અને તરસ સહન કરીને સાંજે ઇફ્તાર સમયે તેણે પરિવાર સાથે રોજા ખોલ્યો, જે ક્ષણ સૌ માટે ભાવુક અને આનંદદાયક બની રહી.વલણના સ્થાનિક સમાજના આગેવાનો અને રહેવાસીઓએ પણ આ નાનકડા બાળકની પ્રશંસા કરી છે. તેઓએ જણાવ્યું કે આજના સમયમાં જ્યાં બાળકો ટેકનોલોજી અને આધુનિક જીવનશૈલી તરફ વધુ આકર્ષાય છે, ત્યાં હસ્નૈન જેવા બાળકો ધાર્મિક સંસ્કાર અને મૂલ્યોને જીવંત રાખી રહ્યા છે, જે સમગ્ર સમાજ માટે પ્રેરણાસ્રોત સમાન છે.આ પ્રસંગ યુવા પેઢીને સંદેશ આપે છે કે ધાર્મિક પરંપરા અને સંસ્કારનું બીજ બાળપણથી જ વાવવામાં આવે તો તે જીવનભર સકારાત્મક દિશા આપે છે. હસ્નૈનનો આ પહેલો રોજા માત્ર પરિવાર માટે જ નહીં, પરંતુ સમગ્ર ગામ માટે ગૌરવ અને પ્રેરણાનું પ્રતિક બની રહ્યો છે.સમાજના વડીલોએ આશા વ્યક્ત કરી છે કે હસ્નૈન ભવિષ્યમાં પણ આવી જ નિષ્ઠા અને સમર્પણ સાથે શિક્ષણ અને ધાર્મિક બંને ક્ષેત્રે પ્રગતિ કરે અને અન્ય બાળકો માટે પ્રેરણાસ્ત્રોત બને.આ રીતે વલણ ગામમાં 6 વર્ષીય હસ્નૈન આરીફ સેલાર દ્વારા રાખવામાં આવેલો પ્રથમ રોજા ધાર્મિક શ્રદ્ધા, પરિવારના સંસ્કાર અને સમાજની એકતાનું સુંદર પ્રતિબિંબ બની રહ્યો છે.

રિપોર્ટર :- તસ્લીમ પીરાંવાલા… વલણ