0 
0 ભરુચ પોલીસે અલગ-અલગ બે સ્થળેથી જુગાર રમતા 10 શકુનીઓને રૂપિયા 1.37 લાખના મુદ્દમાલ સાથે ઝડપી પાડ્યા
ભરુચ જિલ્લમાં દારુ અને જુગારના બનાવો દિન-પ્રતિદિન વધતા જાય છે. જુગારીઓને જાણે કે કાયદાનો ડર જ ના હોય તેમ બેફામ બનીને ખુલ્લેઆમ જુગાર રમતાં હોય છે. જ્યારે પોલીસ પણ આવા તત્વોને ભાન કરાવવા ખડેપગે છે. ત્યારે ભરુચ પોલીસે અલગ અલગ બે સ્થળેથી જુગાર રમતા 10 જુગારીયાઓને રૂપિયા 1.37 લાખથી વધુના મુદ્દામાલ સાથે ઝડપી પાડ્યા છે.
નેત્રંગ પોલીસ મથક્નો સ્ટાફ પ્રોહિબિશન જુગારના પેટ્રોલિંગમા હતો તે દરમિયાન બાતમીના આધારે ઘાણીખુટ ગામની નવીવસાહત ફળીયામાં આવેલા આંબા વાડીયામાં ચાલતા જુગારધામ પર દરોડા પાડ્યા હતા. પોલીસે સ્થળ પરથી રોકડા રૂપિયા 11 હજાર, ત્રણ બાઇક અને બે મોટર સાઇકલ મળી કુલ રુપિયા 82 હજારથી વધુનો મુદ્દામાલ કબ્જે કર્યો હતો અને જુગાર રમતા ગામના મુખ્ય સૂત્રધાર રવજી વસાવા, મનુ વસાવા, નગીન વસાવા અને સંજય મંગાભાઇ વસાવાને ઝડપી પાડ્યા હતા.
આવી જ રીતે ભરુચ સી ડિવિઝન પોલીસે મકતમપૂર વિસ્તારમાં આવેલી નર્મદા દર્શન સોસાયટીના મકાન નંબર-બી-9માં ચાલતા જુગારધામ પર દરોડા પાડ્યા હતા. જ્યાં પોલીસે સ્થળ પરથી રોકડા રૂપિયા 29 હજાર અને ત્રણ મોબાઈલ ફોન મળી કુલ 55 હજારથી વધુનો મુદ્દામાલ કબ્જે કર્યો હતો. પોલીસે જુગાર રમતા મુખ્ય સૂત્રધાર રાજેશ મહિજીભાઈ ગોહિલ, અમિત શાહ, ઈમરાન અબ્દુલ રસીદ મલેક અને રણજીત વસાવા તેમજ સલિમ હુશેન શેખને ઝડપી પાડ્યા હતા.
Average Rating
More Stories
ભરૂચ જિલ્લામાં બાગાયતી ખેતી કરતાં અને કરવા માંગતા ખેડુતો માટે નવી ત્રણ યોજનાઓ અમલી
સત્તાવાર પોર્ટલ પર સ્વયંભૂ માહિતી ભરી નાગરિકોને સક્રિય ભાગીદારી નોંધાવવા અપીલ કરતા ધારાસભ્યશ્રી રમેશભાઈ મિસ્ત્રી.
મુખ્યમંત્રીની જાહેરતથી—જનગણના-2027 માટે રાજ્યવ્યાપી સ્વ-ગણતરી પ્રક્રિયાનો આરંભ.