0 
0 - જીયોરપાટી ગામે વિકાસ કામોમાં ભ્રષ્ટાચાર થયાનો આક્ષેપ ,તપાસમાં ગયેલા સભ્યને મારવાની ધમકી
નાંદોદ તાલુકાના જીયોરપાટી ગામમાં રોડ અને નાળાના કામમાં ગુણવત્તાનો અભાવ હોવાની ગ્રામજનોએ નાંદોદના ટી.ડી.ઓને ફરિયાદ કરતા ખળભળાટ મચ્યો છે. નાંદોદ તાલુકાના જીયોરપાટી ગામમાં 14મા નાણાંપંચ, ગુજરાત પેટર્ન યોજના તેમજ અન્ય યોજનાના કામોમાં વ્યાપક ભ્રષ્ટાચાર થયો હોવાની ગ્રામજનોએ વિસ્તારના તાલુકા સભ્ય અને નાંદોદ તાલુકા પંચાયતના ન્યાય સમિતિના અધ્યક્ષ મુકેશ રોહિતને પણ કરી હતી.બાદમાં મુકેશ રોહિતે આ મામલે નાંદોદ ટી.ડી.ઓને લેખિત રજુઆત કરી યોગ્ય તપાસની માંગ કરી હતી.
જીયોરપાટી ગ્રામજનોએ કરેલી ફરિયાદ મુજબ ગામમાં બનેલ રસ્તામાં સ્ટીલનો અને માટી મેટલનો ઉપયોગ કરાયો નથી, સાથે સાથે બનેલા નાળામાં પણ સ્ટીલનો ઉપયોગ ન કરાયો હોવાથી બન્યા બાદ તુરંત એમા તિરાડો પડી ગઈ છે.આ તમામ કામો સરપંચે કરી સરકારી નણામાં ભ્રષ્ટાચાર કર્યો છે.
ગ્રામજનોએ જણાવ્યું છે કે અમે ગુણવત્તા વાળુ કામ કરવા સરપંચને કહ્યું તો સરપંચે અમને એમ કહ્યું કે મારી અધિકારીઓ અને મોટા માથાઓ સાથે ઓળખાણ છે મારા બિલ પાસ થઈ જશે.ગ્રામજનોએ નાંદોદ ટી.ડી.ઓને ચીમકી આપી છે કે જો આ કામોની યોગ્ય તપાસ નહિ થાય તો ગાંધી ચીંધ્યા માર્ગે આંદોલન કરીશું.હવે આ બાબતે તાપસ થાય છે કે ભીનું સંકેલાય છે તે જોવું જ રહ્યું.
Average Rating
More Stories
ભરૂચ જિલ્લાની શાળાઓમાં મતદાન જાગૃતિ અંતર્ગત વિવિધ કાર્યક્રમો યોજાયા
વાગરાના ગંધાર ખાતે અગરિયા કામદારોમાં મતદાન જાગૃતિનો વિશેષ કાર્યક્રમ યોજાયો.
લોકશાહીના પર્વમાં નાગરિકોની મહત્તમ ભાગીદારી સુનિશ્ચિત કરવા જિલ્લા ચૂંટણી તંત્ર દ્વારા સઘન ઝુંબેશ.