દ્વારકાના એસપી સુનિલ જોશીની સૂચના મુજબ અને તેની દ્વારકાના પીઆઇ જે એમ ચાવડા અને PSI વી એમ ઝાલાના માર્ગદર્શન હેઠળ ભણવાડમાં મળેલ બાતમીના આધારે પેટ્રોલિંગ દરમ્યાન ભાણવડ ટાઉનના પીપળાશેરીમાં રહેનાર શાહનવાઝ ઉર્ફે સાવન અનિશ મલેક તેના ઘરમાં ડુપ્લીકેટ તમાકુનું વેચાણ કરી રહ્યો હોવાની મળેલ જાણકારી મુજબ રેડ કરતા બાગબાન તમાકુના પાઉચના જથ્થા સાથે ઇસમને ઝડપી પાડ્યો હતો અને ટ્રેડમાર્કના કંપની અધિકૃતો દ્વારા આ માલની ખરાઈ કરવામાં આવતા ડુપ્લીકેટ હોવાનું સામે આવ્યું હતું. સઘન પૂછપરછ કરાતા આ જથ્થો અમરેલી જિલ્લાના ચલાલા ગામેથી લાવવામાં આવેલ હોવાનું ખુલતા પોલીસે તપાસનો દોર અમરેલી સુધી લંબાવ્યો છે. આ બાબતે ત્રીજો આરોપી વિશાલ કુંભાર, ચલાલા, અમરેલી ફરાર જોવા મળેલ છે. એલસીબી દ્વારા બાગબાન 138 તમાકુના 18720 પાઉચ કુલ મુદ્દામાલ રૂ 93600 નો કબજે કરી 2 આરોપી શાહનવાઝ મલેક અને પુનિત વલ્લભ પતાણી ની ધરપકડ કરી આગળની કાર્યવાહી હાથ ધરેલ છે.
Average Rating
More Stories
ભરૂચ: નવા સરદાર બ્રિજ પર ટેન્કરને અડફેટે લઈ ટેમ્પો રેલિંગ પર લટક્યો, જીવ બચાવવા ડ્રાઈવર નીચે કૂદતા મોતને ભેટયો
સુરત: માંગરોળના લવેટ ગામે દીપડાએ વાછરડાનું મારણ કર્યું, પશુપાલકો અને ખેડૂતોમાં ભય
અંકલેશ્વર: જૂના કાંસિયા ગામે દીપડાનો ગાયોના તબેલા પર હુમલો, એક ગાયનું મોત, પૂર્વ પટ્ટીના ગામોમાં ફરી ભયનો માહોલ