ભરૂચ જિલ્લા પંચાયત આયુર્વેદ શાખા દ્વારા ભોલાવ, સામલોદ તેમજ વાલિયા તાલુકાના રૂપનગર અને સોડગામ ખાતે આયુર્વેદ, નિદાન સારવાર કેમ્પ, વાનગી સ્પર્ધા અને મિલેટ પ્રદર્શન સહિતના વિવિધ કાર્યક્રમોનું આયોજન કરવામાં આવ્યું હતું.
ભોલાવ ગામની પ્રાથમિક શાળા ખાતે મેડિકલ ઓફિસર ડો. ક્રિષ્ના ઇલાવ્યા (આયુર્વેદ) અને હોમિયોપેથી મેડિકલ ઓફિસર ડો. કેતન પટેલ દ્વારા શાળાના બાળકોને પોષણ અંગે માર્ગદર્શન આપવામાં આવ્યું હતું. આ ઉપરાંત IEC સામગ્રીનું વિતરણ કરવામાં આવ્યું હતું.
સામલોદ સબ સેન્ટર ખાતે નિદાન સારવાર કેમ્પ અને પોષણ પ્રવૃત્તિનું આયોજન કરાયું હતું. જેમાં ગ્રામજનોએ નિદાન સારવારનો લાભ લીધો હતો. ડો. મનીષા વાઢિયા (આયુર્વેદ) અને ડો. સોનાલી પાટીલ (હોમિયોપેથી) દ્વારા પોષણ પ્રવૃત્તિ અંગે માર્ગદર્શન આપવામાં આવ્યું હતું.
વાલિયા તાલુકાના રૂપનગર પ્રાથમિક શાળા ખાતે આયુષ્માન આરોગ્ય મંદિર, લુણાના મેડિકલ ઓફિસર ડો. ચિતલ ગાલિયાની અધ્યક્ષતામાં પોષણ ઉત્સવ-2026 અંતર્ગત વાનગી સ્પર્ધા યોજાઈ હતી. જેમાં આંગણવાડી બહેનોએ ઉત્સાહપૂર્વક ભાગ લીધો હતો અને ડો. ચિતલ ગાલિયા દ્વારા પોષણ અંગે માર્ગદર્શન આપવામાં આવ્યું હતું.
આ ઉપરાંત વાલિયા તાલુકાના સોડગામ પ્રાથમિક શાળા ખાતે મિલેટ પ્રદર્શન યોજાયું હતું. જેમાં શાળાના બાળકોને મિલેટના મહત્વ અને તેના પોષણ મૂલ્ય અંગે માહિતી આપવામાં આવી હતી. વિવિધ કાર્યક્રમો દ્વારા બાળકો, આંગણવાડી બહેનો અને ગ્રામજનોમાં પોષણ અંગે જાગૃતિ લાવવાનો પ્રયાસ કરવામાં આવ્યો હતો.
Leave a Reply