વડોદરા: સ્ટેટ મોનિટરિંગ સેલની ટીમે વડોદરા શહેરના કપુરાઈ પોલીસ સ્ટેશનની હદમાં દરોડો પાડી ભારતીય બનાવટના વિદેશી દારૂ અને બીયરનો મોટો જથ્થો ઝડપી પાડ્યો હતો.
સ્ટેટ મોનિટરિંગ સેલના પોલીસ ઇન્સ્પેક્ટર વાય.જે. રાઠોડની ટીમે રિદ્ધિ સિદ્ધિ સોસાયટીના કોમન પ્લોટ પાસે કાર્યવાહી કરી હતી. દરોડા દરમિયાન દારૂ-બીયરની આશરે 66 પેટી, કુલ 2208 બોટલ/નંગ, જેની કિંમત રૂ. 8,47,920 થાય છે, તે ઉપરાંત બે વાહનો, એક મોબાઇલ ફોન સહિત કુલ રૂ. 17,07,920નો મુદ્દામાલ કબજે કરવામાં આવ્યો હતો.
આ કાર્યવાહીમાં એક આરોપીને ઝડપી પાડવામાં આવ્યો છે, જ્યારે આઠ આરોપીઓ વોન્ટેડ જાહેર કરવામાં આવ્યા છે. ઝડપાયેલા આરોપી તરીકે નીખિલ ભરતભાઈ તડવી (રહે. વનાલી, તા. તિલકવાડા, જિ. નર્મદા)નું નામ સામે આવ્યું છે.
આ મામલે કપુરાઈ પોલીસ સ્ટેશનમાં પ્રોહિબિશન ગુનો નોંધવામાં આવ્યો છે અને કુલ નવ આરોપીઓ વિરુદ્ધ કાયદેસરની કાર્યવાહી હાથ ધરવામાં આવી છે.
Leave a Reply