ગેરકાયદે પિસ્તોલ-કારતૂસ સાથે શખ્સ ઝડપાયો..

અમદાવાદ: અમદાવાદ શહેર ક્રાઈમ બ્રાન્ચે બાતમીના આધારે કાર્યવાહી કરી ગેરકાયદે પિસ્તોલ અને કારતૂસ સાથે એક શખ્સને ઝડપી પાડ્યો હતો.

ક્રાઈમ બ્રાન્ચની ટીમ પેટ્રોલિંગમાં હતી તે દરમિયાન મળેલી બાતમીના આધારે લાંભા ગામના લાંભા મંદિર ત્રણ રસ્તા પાસે રજવાડી ટી સ્ટોલ સામે નારોલ તરફ જતા રોડ પરથી આરોપીને ઝડપી લેવાયો હતો.પોલીસે આરોપીના કબજામાંથી એક ગેરકાયદે પિસ્તોલ અને એક કારતૂસ મળી કુલ રૂ.25,100નો મુદ્દામાલ કબજે કર્યો હતો. આ મામલે આરોપી વિરુદ્ધ ડી.સી.બી. પોલીસ સ્ટેશનમાં આર્મ્સ એક્ટની કલમ 25(1-B) મુજબ ગુનો નોંધવામાં આવ્યો છે.

પ્રેસનોટ મુજબ આરોપીનું નામ અલફૈઝાન દિલાવરહુસેન મકવાણા (ઉં.વ. 28), રહે. સંકલીતનગર, જુહાપુરા, અમદાવાદ શહેર હોવાનું જણાવાયું છે. આરોપીનો અગાઉનો ગુનાહિત ઇતિહાસ પણ પોલીસ તપાસમાં સામે આવ્યો છે.