ભરૂચ: સ્વતંત્ર દિવસની ઉજવણીના ભાગરૂપે જૈન સોશિયલ ગ્રુપ, ભરૂચ અને સંગીની ફોરમ, ભરૂચ દ્વારા મેઘા સ્વૈચ્છિક રક્તદાન શિબિરનું આયોજન કરવામાં આવ્યું હતું. સમગ્ર ભારતમાં જૈન સોશિયલ ગ્રુપ દ્વારા યોજાયેલા આ સેવાકીય અભિયાન અંતર્ગત ભરૂચમાં સેવાશ્રમ ખાતે આવેલી રેડ ક્રોસ બ્લડ બેંક ખાતે સવારે રક્તદાન શિબિર યોજાઈ હતી.જૈન સોશિયલ ગ્રુપ, ભરૂચના પ્રમુખ યોગેશ શાહના નેતૃત્વ હેઠળ યોજાયેલી આ શિબિરમાં પ્રોજેક્ટ ચેરમેન અતુલભાઈ શાહ, ગિરીશભાઈ પટેલ, દેવાંગ શાહ, મિતેશ સરૈયા અને સમીર માસ્તર સહિતના કાર્યકરોએ સેવા આપી હતી. સંગીની ફોરમના પ્રમુખ મૃગાબેન શાહ તથા મનીષાબેન સરૈયા સહિતના સભ્યો પણ ઉપસ્થિત રહ્યા હતા.આ સ્વૈચ્છિક રક્તદાન શિબિરમાં કુલ 41 બોટલ રક્ત એકત્રિત કરવામાં આવ્યું હતું. રક્તદાન દ્વારા જરૂરિયાતમંદ દર્દીઓને જીવનદાન મળી શકે તેવા હેતુથી આયોજિત આ સેવાકીય પ્રવૃત્તિને પ્રતિસાદ મળ્યો હતો.
“એક બોટલ રક્તદાન, અનેક આશાઓનું જીવનદાન” — રક્તદાન માનવતાની સૌથી મોટી ઓળખ છે.
Leave a Reply