ઓલપાડ: સુરત ગ્રામ્યના ઓલપાડ પોલીસ મથકની હદમાં સ્ટેટ મોનિટરિંગ સેલની ટીમે દરોડો પાડી રૂ. 4.95 લાખની કિંમતનો 2,475 લીટર દેશી દારૂનો જથ્થો ઝડપી પાડ્યો હતો.
દરોડા દરમિયાન દેશી દારૂ સહિત કુલ રૂ. 12.80 લાખનો મુદ્દામાલ કબજે કરવામાં આવ્યો હતો.સ્ટેટ મોનિટરિંગ સેલના પોલીસ સબ-ઇન્સ્પેક્ટર જે.એસ. રાજપૂતની આગેવાની હેઠળ સેગવાછામા ગામની હદે આવેલા ખેતરવાળા ખુલ્લા વિસ્તારમાં દરોડો પાડવામાં આવ્યો હતો.
કાર્યવાહી દરમિયાન 7 આરોપીઓને ઝડપી લેવામાં આવ્યા હતા, જ્યારે એકને નોટિસ આપવામાં આવી હતી અને 14 આરોપીઓને વોન્ટેડ જાહેર કરાયા છે. આમ કુલ 22 આરોપીઓ વિરુદ્ધ ઓલપાડ પોલીસ મથકે ગુનો નોંધવામાં આવ્યો છે.
આ મામલે પ્રોહિબિશન એક્ટની કલમો તેમજ ભારતીય ન્યાય સંહિતા-2023ની સંબંધિત કલમો હેઠળ 13 ઓગસ્ટ, 2026ના રોજ ગુનો નોંધવામાં આવ્યો હતો.
ઝડપાયેલા આરોપીઓમાં ચંદ્રકાંત રતિલાલભાઈ કોળી પટેલ, ચંદ્રકાંત કુમાર અરવિંદભાઈ કોળી પટેલ, ભૂપેશકુમાર છગનભાઈ કોળી પટેલ, શનિ કાંતિભાઈ રાઠોડ, રોહન શંકરભાઈ મિસ્ત્રી, સુનિલકુમાર દલપતભાઈ કોળી પટેલ અને મેહુલ સુરેશભાઈ નાયકા સહિત સાતનો સમાવેશ થાય છે.
Leave a Reply