નવરંગપુરા છેતરપિંડી કેસમાં નાસતા ફરતા ત્રણ આરોપીઓને ક્રાઈમ બ્રાન્ચે ઝડપી પાડ્યા.

અમદાવાદ: નવરંગપુરા પોલીસ સ્ટેશનમાં નોંધાયેલા છેતરપિંડીના ગુનામાં નાસતા ફરતા ત્રણ આરોપીઓને અમદાવાદ શહેર ક્રાઈમ બ્રાન્ચની ટીમે ઝડપી પાડી કાયદેસરની કાર્યવાહી હાથ ધરી છે.

પોલીસના જણાવ્યા મુજબ નવરંગપુરા પોલીસ સ્ટેશનમાં ગુ.ર.નં. 11191036260145/2026 મુજબ ભારતીય ન્યાય સંહિતા (BNS)ની કલમ 316(2) તથા 54 હેઠળ ગુનો નોંધાયો હતો. આ ગુનાની તપાસ દરમિયાન ક્રાઈમ બ્રાન્ચની ટીમને મળેલી બાતમીના આધારે આરોપીઓની ધરપકડ કરવામાં આવી હતી.

પકડાયેલા આરોપીઓમાં અંકિત બાબુભાઈ શ્રીમાળી (ઉં.વ. 35), સમસુદ્દીન ઉર્ફે સમસુભાઈ ગફુરભાઈ શેખ (ઉં.વ. 64) અને દિલીપ બંશીલાલ ઠક્કર (ઉં.વ. 41)નો સમાવેશ થાય છે. ત્રણેય આરોપીઓને તા. 27 ઓગસ્ટ 2026ના રોજ બપોરે 3:25 વાગ્યે BNSS-2023ની કલમ 35(1)(જે) મુજબ પકડી અટક કરી વધુ તપાસ માટે નવરંગપુરા પોલીસ સ્ટેશનને સોંપવાની તજવીજ કરવામાં આવી હતી.

ક્રાઈમ બ્રાન્ચની કાર્યવાહીથી છેતરપિંડીના આ ગુનામાં નાસતા ફરતા આરોપીઓ પોલીસની પકડમાં આવ્યા છે.