હાંસોલમાં રૂ.2.70 લાખના દારૂ સાથે બે ઝડપાયા,અમદાવાદ ક્રાઈમ બ્રાન્ચની કાર્યવાહી, એક આરોપી વોન્ટેડ..!!

હાંસોલમાં રૂ.2.70 લાખના દારૂ સાથે બે ઝડપાયાઅમદાવાદ ક્રાઈમ બ્રાન્ચની કાર્યવાહી, એક આરોપી વોન્ટેડઅમદાવાદ શહેર ક્રાઈમ બ્રાન્ચની ટીમે એરપોર્ટ પોલીસ સ્ટેશનની હદમાં હાંસોલ સમરથનગર નજીક કાર્યવાહી કરી ભારતીય બનાવટના ઈંગ્લીશ દારૂના જથ્થા સાથે બે આરોપીઓને ઝડપી પાડ્યા છે.

પોલીસે કુલ રૂ.2,70,145ની કિંમતનો મુદ્દામાલ કબજે કરી પ્રોહિબિશનનો ગણનાપાત્ર કેસ નોંધ્યો છે.પોલીસના જણાવ્યા મુજબ, ક્રાઈમ બ્રાન્ચની ટીમ પેટ્રોલિંગમાં હતી તે દરમિયાન મળેલી ખાનગી બાતમીના આધારે હાંસોલ સમરથનગર પાસે દરોડા જેવી કાર્યવાહી કરવામાં આવી હતી. દારૂનો જથ્થો સગેવગે થાય તે પહેલાં જ આરોપીઓને મુદ્દામાલ સાથે ઝડપી લેવામાં આવ્યા હતા.આ કાર્યવાહી દરમિયાન કરણ સુનિલકુમાર તુલસિયાણી (ઉંમર 20) અને **મનીષ ઉર્ફે મણી ઉર્ફે ડી. જસ/ઓફ જગદીશભાઈ જેસરાણી (ઉંમર 30)**ને ઝડપી પાડવામાં આવ્યા છે.

જ્યારે લાલુ ઉર્ફે રાજા કાશીચંદાનીને વોન્ટેડ જાહેર કરવામાં આવ્યો છે.પોલીસે સ્થળ પરથી રૂ.2,55,145નો ભારતીય બનાવટનો ઈંગ્લીશ દારૂ તથા રૂ.15,000ની કિંમતના બે મોબાઇલ ફોન, મળી કુલ રૂ.2,70,145નો મુદ્દામાલ કબજે કર્યો છે.

આ મામલે પ્રોહિબિશન એક્ટની કલમ 66(બી), 65(એ)(ઈ), 116(બી) અને 81 મુજબ ગુનો નોંધવામાં આવ્યો છે.કરણ તુલસિયાણી અગાઉ પણ એરપોર્ટ પોલીસ સ્ટેશનમાં મારામારીના ગુનામાં પકડાઈ ચૂક્યો છે. જ્યારે આરોપી મનીષ વિરુદ્ધ જુગાર, મારામારી સહિતના વિવિધ ગુનાઓ અગાઉ નોંધાયેલા હોવાનું પોલીસ રેકોર્ડમાં દર્શાવવામાં આવ્યું છે.