નડીયાદના પ્રોહિબિશન ગુનામાં વોન્ટેડ આરોપી અમદાવાદમાંથી ઝડપાયો.

અમદાવાદ ક્રાઈમ બ્રાન્ચે નડીયાદ ટાઉન પોલીસ સ્ટેશનના પ્રોહિબિશન ગુનામાં વોન્ટેડ આરોપીને અમદાવાદના ઇસનપુર વિસ્તારમાંથી ઝડપી પાડ્યો છે.ક્રાઈમ બ્રાન્ચની ટીમો નાસતા-ફરતા આરોપીઓને ઝડપી પાડવા માટે તપાસમાં હતી.

દરમિયાન મળેલી બાતમીના આધારે નડીયાદ ટાઉન પોલીસ સ્ટેશનના ગુના નંબર 11204046260561/2026માં વોન્ટેડ આરોપી રણજીતસિંહ નૈનસિંહ ચૌહાણ ઉર્ફે દરબાર, ઉંમર 51 વર્ષ, રહે. ઇસનપુર, અમદાવાદ શહેરને તા. 22 ઓગસ્ટ 2026ના રોજ ઝડપી પાડવામાં આવ્યો હતો. આરોપીને આગળની કાર્યવાહી માટે નડીયાદ ટાઉન પોલીસને સોંપવામાં આવ્યો છે.

પોલીસના જણાવ્યા મુજબ આરોપી સામે પ્રોહિબિશન એક્ટની કલમ 65(ઇ), 81 અને 98(2) હેઠળ ગુનો નોંધાયેલો છે. આરોપી સામે ઇસનપુર અને વટવા પોલીસ સ્ટેશનમાં વર્ષ 2014થી 2025 દરમિયાન પ્રોહિબિશન એક્ટ હેઠળ કુલ 10 ગુનાઓ નોંધાયેલા હોવાનું પ્રેસનોટમાં જણાવાયું છે.

આ ઉપરાંત આરોપી સામે વર્ષ 2016 અને 2024માં કુલ બે વખત પાસા હેઠળ કાર્યવાહી કરવામાં આવી હોવાનું પણ પોલીસ પ્રેસનોટમાં જણાવાયું છે.