દસ વર્ષથી ફરાર ઇનામી આરોપી અમદાવાદ ક્રાઈમ બ્રાન્ચના હાથે ઝડપાયો.

અમદાવાદ: રાજસ્થાનના ઉદયપુર જિલ્લાના પહાડા પોલીસ સ્ટેશનમાં નોંધાયેલા 470 પેટી ગેરકાયદેસર દારૂના કેસમાં છેલ્લા 10 વર્ષથી નાસતો ફરતો ઇનામી વોન્ટેડ આરોપીને અમદાવાદ શહેર ક્રાઈમ બ્રાન્ચે ઝડપી પાડ્યો છે.

મળતી માહિતી મુજબ, રાજસ્થાનના ઉદયપુર જિલ્લાના પહાડા પોલીસ સ્ટેશનમાં ગુનો રજિસ્ટર નંબર 18/2017 હેઠળ આબકારી એક્ટની કલમ 19/54 તથા 19/54(એ) મુજબ ગુનો નોંધાયો હતો.

આ કેસમાં લાંબા સમયથી ફરાર આરોપી ઈરફાન દોસ્તમોહંમદ પઠાણ (ઉં.વ. 63)ને અમદાવાદના સરખેજ-મકરબા રોડ તથા ફતેહવાડી-જુહાપુરા વિસ્તારમાંથી ઝડપી લેવામાં આવ્યો છે. આરોપી સામે કાયદેસરની કાર્યવાહી હાથ ધરવામાં આવી છે.

પોલીસના જણાવ્યા મુજબ, આરોપી ઈરફાન પઠાણ વિરુદ્ધ અગાઉ સરખેજ પોલીસ સ્ટેશનમાં ચોરી અને છેતરપિંડીના બે ગુના નોંધાયેલા છે. ઉપરાંત, કચ્છના ગાંધીધામ પોલીસ સ્ટેશનમાં પણ તેની સામે છેતરપિંડીનો ગુનો નોંધાયેલો હોવાનું સામે આવ્યું છે.